Hönd í hönd

Ávinningurinn af því að hafa doulu sér við hlið felst ekki síst í því að verðandi foreldrar þekkja douluna, doulan veit væntingar foreldra og vinnur fyrir þau.  Stuðningur doulu er samfelldur og á jafningjagrundvelli.

Í það minnsta sextán athuganir hafa verið gerðar til að athuga ávinninginn af því að hafa doulu með í fæðingarferlinu meðal annars í Belgíu, Finnlandi, Suður-Afríku, Bandaríkjunum, Frakklandi og Guatemala. Allar athuganir sýna að konur og verðandi fjölskylda græðir á því að hafa doulu sér við hlið.

Ávinningurinn er meðal annars:

- jákvæðari upplifun af fæðingunni

- styttra fæðingarferli

- minnkuð þörf fyrir deyfilyf

- minni líkur á keisarafæðingu

- minni líkur á fæðingarþunglyndi

- makar eru öruggari með hlutverk sitt

- betri samskipti við maka eftir að barnið er komið heim

- betri tengslamyndun við barn

- meiri líkur á að brjóstagjöf gangi upp

(heimild: The Doula Book: how a Trained Labor Companion Can Help You Have a Shorter, Easier, and Healthier Birth eftir Marshall H Klaus, M.D., John H Kennell, Phyllis H Klaus)